مايحدث الآن لشعب السويس لايمكن أن يقال عنه إلا قولا واحدا وهو كارثة حقيقة 
بسبب اهمال واستهتار المسئولين عن الصحة
فى السويس وخير دليل على كلامى مايحدث داخل المستشفى العام من تصرفات الأطباء مع المرضى لايحدث حتى فى بلاد الأدغال التى لايعرفها البشر وتعالوا اقولكم على حدث وشاهدته بأم عينى اثناء زيارتى للمستشفى شاهدت أحد السوايسة داخل المستشفى مع أحد أقاربه لكى يعمل عمليه بتر لساقه علشان عنده جرح قديم والسكر مع الجرح مبقاش يلم المهم
الدكتور قرر أنه يعمل عمليه بتر لساقه بالمستشفي تخيلوا ياسادة المستشغى مافيهاش كرسي متحرك عشان أهل المريض ينزلوا فيه المريض ولما سألت بعض الموظفين اللى فى المستشفى قال الأسانسير عطلان والخدمة في المستشفي زي الزفت طب لما الموظف بيقول كده يبقى لازم انا اقول
للدكتورة هالة زايد وزيرة الصحة
طيب انتى لو عملت كده هتشوف حاجة لا تتخيلها فى جميع مستشفيات السويس
عارفه حضرتك بعد الراجل مطلع من غرفه العمليات اهله لموا الشباب عشان يشيلوا الراجل بسرير علشان يطلعوه الدور الرابع 
والأغرب أن الراجل الغبان داااا دفعوه٢٠٠٠ جنيه تمن العمليه وعلى شرط اهل المريض هما اللى جابوا الشاش والمنشار
والاغرب والحاجة المستفزة ان المسئولين فى المستشفى يقولولك انك فى جناح فندقي 
والاوضه ريحتها لا تطاق والممرضات جايبين أولادهم الرضع معاهم والأطفال الصغيرة معاهم ومنينهم في التكييف وبعدين تيجيوا تقولوا أننا متأخرين ليه مالازم نبقى كده 
وعمر البلد دي ماهتعرف طريق التقدم طالما بنسمع لكلام رقم واحد فى المؤسسة لأنه فعمره ماهيطلع غلطان